Obilježavamo 125 godina
ZDRAVLJE JE NAŠA MISIJA
Povodom 125. godišnjice, Richter Gedeon obilježava više od jednog vijeka naučne ambicije, revolucionarnih istraživanja i rane međunarodne ekspanzije. Kompanija, koju je 1901. osnovao farmaceut Gedeon Richter, iz jedne apoteke u Budimpešti izrasla je u jednu od najvećih i najuglednijih farmaceutskih grupacija u Centralnoj Evropi.
Priča kompanije počela je 1901. godine, kada je Gedeon Richter kupio apoteku “Šaš”. Ono što je moglo ostati skromna kvartovska apoteka ubrzo je preraslo u nešto mnogo ambicioznije. U podrumskom laboratoriju koje je izgradio odmah nakon kupovine, Richter je započeo razvoj originalnih farmaceutskih preparata, lansirajući 1902. godine Tonogen Suprarenale – preparat zasnovan na adrenalinu, koji je pokazao koliko se brzo naučna otkrića mogu pretvoriti u terapijske primjene.
Rane specijalizacije, posebno u ginekologiji, postavile su temelje oblastima koje i danas predstavljaju ključne snage kompanije. Do 1906. godine Richter je kupio zemljište u okrugu Kőbánya za izgradnju moderne fabrike, čime je omogućena proizvodnja u velikim razmjerama i ubrzan naučno‑istraživački rad. Patenti su uslijedili ubrzo, a pionirski proizvodi poput Kalmopirina i Hyperola postali su široko prepoznati u regionu. Početkom 1920-ih, Richter je bio među prvima u Centralnoj Evropi koji su proizveli kristalni insulin nedugo nakon njegovog međunarodnog otkrića, potvrđujući sposobnost kompanije da brzo primjenjuje nova naučna saznanja.
Rana globalna ekspanzija – mnogo prije ere globalizacije
Međunarodna orijentacija kompanije razvila se gotovo jednako brzo kao i njeni prvi proizvodi. Samo sedam godina nakon otvaranja apoteke i jedne godine po otvaranju fabrike u Kőbányi 1908. godine, osnovano je prvo strano predstavništvo u Italiji. Nakon toga, 1923. godine otvorena je prva strana filijala u Zagrebu.
Do kraja 1920-ih, Richterovi proizvodi distribuirali su se širom Evrope, Južne Amerike i djelova Azije – izuzetan uspjeh u vremenu kada se mali broj farmaceutskih kompanija iz regiona usuđivao da izađe na međunarodno tržište. Nagrade sa međunarodnih izložbi i sve šira mreža partnera i distributera učvrstili su poziciju kompanije kao ranog globalnog aktera, mnogo prije nego što je globalizacija postala standard u industriji.
Ovakav međunarodni pristup postao je ključni dio identiteta kompanije i ostao je temelj njene strategije više od jednog vijeka.
Otpornost i reinvencija kroz različite epohe
Tokom decenija kompanija je uspješno prevazišla izazove svjetskih ratova, političkih previranja i promjena ekonomskih sistema. Istorija kompanije neraskidivo je povezana sa istorijom 20. vijeka: osnivač Gedeon Richter tragično je stradao zbog nacističkog terora pred kraj Drugog svjetskog rata.
Ovi događaji ostavili su dubok trag, ali nisu ugasili naučni duh kompanije. Čak i u periodima kada originalna istraživanja nisu bila podsticana, diskretan laboratorijski rad se nastavljao, što je dovelo do značajnih dostignuća poput patenta za fermentaciju vitamina B12 iz 1956. godine.
Krajem 1950-ih počela je nova era inovacija, kada su istraživanja ponovo dobila institucionalnu podršku. U tom periodu nastali su važni proizvodi kao što su Infecundin, prvi lokalno proizvedeni kontraceptiv (1966), i Cavinton (1977), jedan od međunarodno najprepoznatljivijih brendova kompanije. Osnivanje farmakoloških i biotehnoloških istraživačkih centara u narednim decenijama dodatno je osnažilo naučnu infrastrukturu i omogućilo nova otkrića.
Savremena globalna kompanija zasnovana na istraživačkoj izvrsnosti
Uspješno prevazilazeći političke i ekonomske tranzicije početkom 1990-ih, Richter je ušao u modernu fazu rasta kao javno akcionarsko društvo. Kompanija je nastavila sa međunarodnom ekspanzijom, otvaranjem novih kancelarija i proizvodnih pogona, kao i sa partnerstvima koja su proširila njen naučni i tržišni domet.
Nakon proširenja portfolija inovativnim proizvodima iz oblasti ženskog zdravlja putem akvizicija, Gedeon Richter je odlučio da ojača prisustvo u Zapadnoj Evropi. Od 2010. godine kompanija je izgradila mrežu filijala koje danas pokrivaju veći deo Evrope, a prisutna je u ukupno 50 zemalja sveta.
Posljednje decenije obilježile su brojne prekretnice. Odobrenje FDA za kariprazin (Vraylar®/Reagila®) iz 2015. godine pozicioniralo je Richter u sam vrh istraživanja centralnog nervnog sistema i donijelo mu globalno priznanje. Ulazak u biotehnologiju, uključujući nagrađivane biosimilare i uspješan FDA audit, dodatno potvrđuje posvećenost kompanije naprednim terapijskim platformama i dugoročnoj naučnoj viziji.
Gedeon Richter je pokazao i snažnu posvećenost inovacijama kroz akvizicije razvojnih i istraživačkih centara, što omogućava jačanje originalnog istraživanja u oblasti zdravlja žena. Kompanija je nedavno dobila i pozitivno mišljenje Odbora za humane ljekove Evropske agencije za ljekove za svoju inovativnu hormonsku supstitucionu terapiju.
Danas Richterov portfolio obuhvata zdravlje žena, terapije centralnog nervnog sistema, biotehnologiju i tradicionalne ljekove, uz istraživačke centre i komercijalne operacije na više kontinenata. Uprkos rastu, kompanija ostaje vjerna vrijednostima svog osnivača: naučnoj radoznalosti, posvećenosti pacijentima i vjeri u moć inovacija.
125 godina inovacija – i pogled u budućnost
Dok obilježava 125 postojanja, Richter Gedeon se svrstava među naučno-usmjerene kompanije iz Centralne Evrope koje su najviše orijentisana ka međunarodnom tržištu. Od male apoteke u Budimpešti do multinacionalne grupacije, njen razvoj odražava naučnu izvrsnost i dugoročnu globalnu viziju.
Misija kompanije ostaje nepromijenjena: unaprjeđenje zdravlja i kvaliteta života ljudi širom svijeta, kao nezavisna kompanija.
